മഞ്ഞപടയോ…വടക്കുകിഴക്കൻ സേനയോ..???

കൊച്ചി : ഇന്ന് സച്ചിന്റെ കേരള ബ്ലാസ്‌റ്റേഴ്‌സും ജോണ്‍ അബ്രഹാമിന്റെ നോർത്ത് ഈസ്റ്റ് യുണൈറ്റഡും കളികളത്തിൽ ഏറ്റുമുട്ടുമ്പോൾ ഹൃദയമിടിപ്പ് കൂടുന്നത് കേരളത്തിലെ പാവം ആരാധകർക്കാണ്. കാരണം മറ്റൊന്നുമല്ല, കേരളത്തിന്റെ ദത്തുപുത്രനായ സച്ചിന്റെ ടീമിനെതിരെ കളിക്കുന്നത് കേരളത്തിന്റെ പുത്രനായ ജോണ്‍ അബ്രഹാമിന്റെ ടീം.
ISL ആദ്യ സീസണിൽ ഗുവാഹത്തിയിൽ നടന്ന ആദ്യ മത്സരത്തിൽ ബ്ലാസ്‌റ്റേഴ്‌സിനെ 1 – 0 തോൽപിച്ചവരാണ് നോർത്ത് ഈസ്റ്റ് യുണൈറ്റഡ്. പക്ഷെ മത്സരത്തിന്റെ അവസാനം ബ്ലാസ്‌റ്റേഴ്‌സ് രണ്ടാം സ്ഥാന കിരീടം സ്വന്തമാക്കിയപ്പോൾ ആദ്യ വിജയം നേടിയവർ അവസാന സ്ഥാനക്കാരായിരുന്നു. ആ ആത്മ വിശ്വാസത്തോടെയാണ് സച്ചിൻ ഇന്ന് തന്റെ മഞ്ഞ പടയെ കളത്തിൽ ഇറക്കുന്നത്.
കാലത്തിന്റെ ആഴകടലിലേക്ക് കൂപ്പുകുത്തി പോയ്കൊണ്ടിരുന്ന ഫുട്ബോളിനെ കൈപിടിച്ച് കയറ്റാൻ ഇന്ന് ISL നു സാധിച്ചിട്ടുണ്ട്. വീണ്ടും ജീവൻ വെച്ചു വരികയാണ് ഫുട്ബോൾ മാമാങ്കം. ആ അലയടികൾ കാണികൾക്ക് ആവേശം ഉണർത്തുകയാണ്. കാണികളുടെ ആ ആവേശത്തിന് കൊച്ചി ഇന്ന് സാക്ഷ്യം വഹിക്കുന്നു.

സ്വന്തം കളത്തിൽ കളിക്കാൻ ഇറങ്ങുന്ന ബ്ലാസ്‌റ്റേഴ്‌സ് , സ്വന്തം നാട്ടിൽ പടയെ ഇറക്കാൻ ഒരുങ്ങുന്ന ജോണ്‍… ആരാധകർക്കാണ് ഇപ്പോളത്തെ കണ്‍ഫ്യുഷൻ… ആരെ സപ്പോർട്ട് ചെയ്യും എന്തോ… എന്താണേലും കാത്തിരുന്നു കാണാം….

Photo Courtesy : Google / images may be subject to copyright